FLASH
Shkruar nga Pamfleti
Presidenti i Shteteve të Bashkuara, Donald Trump, ka reaguar lidhur me një operacion ushtarak të ndërmarrë kundër një nëndetëseje të mbushur me lëndë narkotike. Ai tha se ngarkesa po i drejtohej SHBA-së përmes një rruge të njohur të trafikut të drogës.
Në një deklaratë të bërë në rrjetet sociale, Trump shkruan se 2 prej 4 narkotrafikantëve u vranë ndërsa ty të tjerë po kthehen në vendet e tyre të origjinës Ekuador dhe Kolumbi për t’u ndjekur penalisht.
Trump theksoi se Shtetet e Bashkuara të Amerikës nuk do të tolerojnë trafikantët e drogës së paligjshme të kalojnë as në tokë e as në det.
“Ishte nderi im i madh të shkatërroja një nëndetëse shumë të madhe TË MBUSHUR ME DROGË, e cila po lundronte drejt Shteteve të Bashkuara në një nga rrugët më të njohura të trafikimit të drogës. Inteligjenca amerikane konfirmoi se kjo anije ishte e ngarkuar kryesisht me Fentanil dhe narkotikë të tjerë të paligjshëm. Brenda saj ndodheshin katër narkoterroristë të njohur. Dy prej tyre u vranë. Të paktën 25,000 amerikanë do të kishin vdekur nëse do të lejoja këtë nëndetëse të mbërrinte në tokë. Dy terroristët që mbijetuan po kthehen në vendet e tyre të origjinës, Ekuador dhe Kolumbi, për t’u ndaluar dhe ndjekur penalisht. Asnjë nga Forcat Amerikane nuk u lëndua gjatë këtij sulmi. Nën drejtimin tim, Shtetet e Bashkuara të Amerikës nuk do të tolerojnë narkoterroristët që trafikojnë drogë të paligjshme, as në tokë e as në det. Faleminderit për vëmendjen tuaj!”, shkruan Trump.
Lini një Përgjigje