FLASH
Shkruar nga Pamfleti
Presidenti i Shteteve të Bashkuara, Donald Trump ka njoftuar se do të rrisë normën globale të tarifave për mallrat e importuara në SHBA nga 10% në 15%. Kujtojmë që ditën e djeshme shpalli normën 10%.
Sipas deklaratës së tij, çdo vend që eksporton mallra drejt Shteteve të Bashkuara do t’i nënshtrohet tarifës së re prej 15%.
Presidenti gjithashtu përsëriti kritikat ndaj Gjykatës Supreme të SHBA-së, pasi kjo e fundit vendosi se disa nga detyrimet doganore të vendosura më parë nga administrata e tij bien ndesh me ligjin.
Vendimi i Gjykatës Supreme kufizon kompetencat e ekzekutivit në vendosjen e tarifave pa miratimin përkatës ligjor. Trump e kundërshtoi këtë qëndrim dhe e cilësoi ndërhyrje në politikat tregtare të administratës së tij.
Njoftimi për rritjen e tarifave shënon një tjetër hap në forcimin e qasjes proteksioniste të Shtëpisë së Bardhë ndaj tregtisë ndërkombëtare.
“Bazuar në një shqyrtim të plotë, të hollësishëm dhe të plotë të vendimit qesharak, të shkruar keq dhe jashtëzakonisht antiamerikan mbi Tarifat, të lëshuar dje, pas SHUMË muajsh, nga Gjykata Supreme e Shteteve të Bashkuara, ju lutem lejoni që kjo deklaratë të shërbejë për të përfaqësuar se unë, si President i Shteteve të Bashkuara të Amerikës, do të rris menjëherë Tarifën Botërore prej 10% për vendet, shumë prej të cilave e kanë “zhytur” SHBA-në për dekada, pa ndëshkim (derisa unë erdha këtu!), në nivelin plotësisht të lejuar dhe të testuar ligjërisht, prej 15%.”-shkruan Trump në Truth Social.
Lini një Përgjigje