FLASH
Shkruar nga Pamfleti
Zëdhënësi i Kremlinit, Dmitry Peskov tha se Rusia po analizon dokumentet e fshehta amerikane që u zbuluan në internet dhe sipas tij shumë prej tyre janë të manipuluara.
“Fokusi ynë është që të shqyrtojmë tërësisht këto të dhëna, duke vlerësuar gjithashtu në mënyrë kritike vërtetësinë e tyre, por t'i studiojmë ato me përpikëri”, tha ai.
Ai u shpreh se vërtetësia e informacionit është e dyshimtë por shtoi se shërbimi special rus po heton rastin dhe po zbulon nëse ndonjë nga informacionet mund të kërcënojë sigurinë e Rusisë.
Kujtojmë se, Jack Teixeira, 21 vjeç, u arrestua nga FBI të enjten në lidhje me rrjedhjen e dokumenteve të klasifikuara që janë postuar në internet. Arrestimi i tij erdhi pas një kërkimi të shpejtë nga qeveria amerikane për zbulimin e identitetit të personit i cili postoi dokumente të klasifikuara në një platformë të mediave sociale të njohura për videolojtarët. Teixeira u arrestua në Masaçusets dje dhe pritet të paditet nga një gjykatën federale.
Lini një Përgjigje