FLASH
Shkruar nga Pamfleti
Bisedimet midis Shteteve të Bashkuara dhe Iranit nuk do të bëjnë përparim të ndjeshëm përpara se Presidenti Donald Trump të takohet me homologun e tij kinez Xi Jinping më vonë këtë javë, sipas një burimi rajonal pranë procesit të negociatave.
Burimi i tha CNN se lëvizja në bisedime do të varet nga rezultatet e vizitës së Presidentit Trump në Pekin.
Burimi theksoi se ishte "shumë e mundshme" që Ministri i Jashtëm iranian Abbas Aragchi të jetë në Delhi për takimin e Ministrave të Jashtëm të BRICS të enjten dhe të premten, të njëjtat ditë që Trump është në Pekin.
Burimi i tha CNN se prania e Araghchi-t në takimin e BRICS-it "është e rëndësishme", pasi ka të ngjarë të jenë të pranishëm edhe Ministrat e Jashtëm të Arabisë Saudite dhe Egjiptit. Egjipti dhe Arabia Saudite janë ndër vendet që lehtësojnë dialogun midis SHBA-së dhe Iranit, i cili po ndërmjetësohet nga Pakistani.
Ministrat e jashtëm sauditë dhe egjiptianë ende nuk e kanë konfirmuar pjesëmarrjen në konferencë.
“Kina do të jetë një lojtare e rëndësishme në sigurimin e vazhdimit të dialogut”, shtoi burimi.
Lini një Përgjigje