FLASH
Shkruar nga Pamfleti
Kuvajti ka ngritur alarmin për sigurinë ajrore pasi autoritetet vendase kanë identifikuar disa dronë të cilësuar si “armiqësorë” që kanë hyrë në hapësirën ajrore të vendit.
Ministria e Mbrojtjes bëri të ditur se strukturat përgjegjëse reaguan menjëherë sipas procedurave të sigurisë, pa zbuluar më shumë detaje mbi natyrën e kërcënimit apo objektivin e pajisjeve fluturuese.
Zëdhënësi i ministrisë, kolonel Saud Abdulaziz al Atwan, deklaroi se hetimet janë ende në zhvillim dhe se po punohet për të përcaktuar origjinën e dronëve dhe mënyrën se si ata hynë në territorin ajror të Kuvajtit.
“Kemi identifikuar disa dronë të konsideruar si ‘armiqësorë’ në hapësirën ajrore të Kuvajtit dhe autoritetet kanë reaguar sipas procedurave të përcaktuara”, tha kolonel Saud Abdulaziz al Atwan.
Incidenti vjen në një moment tensionesh të vazhdueshme në Lindjen e Mesme, ku vendet e rajonit kanë shtuar masat e sigurisë për shkak të kërcënimeve me raketa dhe dronë.
Pak ditë më parë, edhe Emiratet e Bashkuara Arabe raportuan ndërhyrje ndaj sulmeve me raketa dhe dronë, të cilat autoritetet emiratas pretenduan se kishin origjinë nga Irani. Situata ka rritur shqetësimet për një përshkallëzim të ri të tensioneve në rajonin e Gjirit Persik.
Lini një Përgjigje