FLASH
Shkruar nga Pamfleti
Presidenti Donald Trump ka shprehur optimizëm të moderuar për mundësinë e një marrëveshjeje me Iranin, duke theksuar se ajo nuk është aspak e garantuar. Gjatë një bisede me gazetarët në Florida, ndërsa hipte në Air Force One, Trump foli për bisedimet aktuale mes SHBA-së dhe Teheranit, duke zbuluar se palët po diskutojnë rreth 15 pikave kryesore të një marrëveshjeje të mundshme për t'i dhënë fund luftës.
"Jo, kemi një shans shumë serioz për të bërë një marrëveshje. Kjo nuk garanton asgjë. Unë nuk po garantoj asgjë", tha Trump.
Trump shtoi se nuk dëshiron të krijojë pritshmëri të rreme dhe se nuk do të kthehet pas një ose dy javësh për t'u përballur me akuza se "ka thënë" diçka që nuk ndodhi.
"E vetmja gjë që po them është se jemi në prag të një mundësie reale për të arritur një marrëveshje", u shpreh ai.
Ndër pikat kryesore të diskutimit, Trump përmendi se heqja dorë nga programi i armëve bërthamore nga ana e Iranit zë vendet e parë. Ai sugjeroi gjithashtu interes të përbashkët për kontroll të përbashkët mbi Ngushticën e Hormuzit, ku të dyja palët kanë interesa të mëdha për sigurinë e trafikut detar dhe rrjedhjen e naftës.
Megjithatë, presidenti amerikan përsëriti se dëshiron të shohë një ndryshim të rëndësishëm të regjimit në Teheran, duke e quajtur këtë si një element "shumë serioz".
Lini një Përgjigje