FLASH
Shkruar nga PamfletiNjë kullë 40-katëshe e quajtur 'Grand Park Skyline', parqe fotovoltaike dhe investitor strategjik...
Nëse menduat se Tirana nuk kishte më vend për kulla, gaboheni. Në hyrje të Liqenit Artificial, ngjitur me Gardën e Republikës, do të ngrihet një tjetër simbol i betonizimit të kryeqytetit, “Grand Park Skyline”. Një kullë 40-katëshe që, përveçse do jetë betoni i radhës, do të strehojë edhe një hotel superluksoz nën logon e ''Philipp Plein''.
Po kush qëndron pas këtij 'përbindëshi' të ri urbanistik?
“X One shpk”, një kompani me një kapital modest prej vetëm 1 milion lekësh, që çuditërisht po ngre investime miliona euroshe. Dhe ja ku fillon telenovela e korrupsionit: aksionerët kryesorë janë Ilir Trebicka, mik i ngushtë i Bablokut që nga koha e basketbollit dhe Ylli Ujka, biznesmeni që e ndjek kryeministrin si hije në çdo udhëtim jashtë shtetit. Ndërtimi i kësaj kulle nuk është një projekt i zakonshëm. Për ta ngritur këtë 'përbindësh', është cënuar Parku i Liqenit , një zonë që duhet të shërbente si mushkëri për qytetin. Kjo nuk është thjesht një shkelje urbane, por një goditje e rëndë ndaj hapësirave të gjelbra të Tiranës, që çdo ditë e më shumë po shndërrohen në beton.
Një nga aksionerët kryesorë të kompanisë “X One,” Ylli Ujka, është një figurë e njohur për aktivitetet e tij të dyshimta. Ai nuk është thjesht një mashtrues që hiqet si biznesmen i suksesshëm. Ujka është i njohur si pastrues parash i grupeve kriminale, duke përdorur projektet dhe marrëveshjet e dyshimta për të fshehur origjinën e parave të pista.
PR që Ylli Ujka i bën vetes është mahnitës, por është e gjitha një fasadë dhe 'supermashtruesi' e ka kuptuar se është mënyra e vetme për të depërtuar në tepsinë e pushtetit. Ujku i Lezhës pozon me politikanë të rëndësishëm, ulet në tavolinat e tyre duke u prezantuar si një biznesmen i suksesshëm i diasporës, më pas sinjalizon grupet kriminale dhe pastron paratë e tyre në ndërtim kullash, në investime stratigjike si edhe në projekte të mëdha. Nuk është aspak cudi që tani që Bablokut i duhet vota e diasporës, ka dale në skenë edhe 'Ujku i Lezhes'. Lidhjet e tij me grupe kriminale dhe aftësia për të ndërtuar rrjete klienteliste janë ndër arsyet pse kompania “X One” ka arritur të sigurojë projekte të mëdha dhe fitimprurëse.
Një nga skemat e tij më të njohura përfshin përvetësimin e pronave të kushërinjve të tij në Lezhë, me premtimin e rremë se do të realizonte një investim strategjik prej 300 milionë eurosh në 'Ranën e Hedhun'. Ky premtim kurrë nuk u realizua, ndërsa pronat përfunduan në duart e tij.
Për të qeshur e për të qarë. Kompania X One e 'supemashtruesit' ka marrë 4 milionë metra katrorë tokë në Poliçan për fotovoltaike, për vetëm 700 mijë euro në vit.
Tenderin e "fitoi" sepse... askush tjetër nuk mori pjesë! Pavarësisht se qindra kompani kishin shprehur interes. Ironik fakti që, oferta e X One ishte fiks çmimi dysheme i vendosur nga Bashkia Poliçan. E gjitha kjo duket më shumë si një pazar i mbyllur në errësirë, ku dihet se kush duhet të dalë fitues.
Ky është vetëm fillimi! Një oligark i ri i panjohur po shfaqet në Shqipëri, me një synim të qartë: Një pjesë të madhe në tortën e pushtetit pas zgjedhjeve 2025…/ Pamfleti
Lini një Përgjigje