FLASH
Shkruar nga Pamfleti
Banorët kërkojnë të anulohet vendimi për ndërtimin e HEC-it...
Pasi zaptoi tokat e banorëve të Fushë Krujës, oligarku Bashkim Ulaj duket se ka shkaktuar konflikt edhe me banorët e Roskovecit. Babloku i dha lejen për ndërtimin e TEC-it në Roskovec, TEC i cili rrezikon të helmojë gjithë zonën. Bëhet fjalë për një TEC që do të punojë me gaz dhe mazut.
Në mbledhjen e 18 dhjetorit, qeveria ka miratuar ndërtimin e termocentralit me kapacitet të instaluar prej 170 MW. Ky projekt do të realizohet nga shoqëria greko-shqiptare “Fier Thermoelectric” sh.a, e cila aksionere ka kompaninë greke "DEPA COMMERCIAL S.A", 35%, kompaninë tjetër greke "GEK TERNA Holdings", 35%, ndërkohë që "GENER 2" zotëron 30% të aksioneve. Por sipas zërave, në fakt kompanitë e tjera janë sa për sy e faqe, pasi fijet i lëviz Bashkim Ulaj, i cili ka dy vite që lobon për këtë projekt.
Më 26 mars 2024, në 10 minuta mbledhje të Këshillit Bashkiak të Roskovecit të rrethuar me polici dhe duke kërcënuar këshilltarët e opozitës; këshilltarët e PS miratuan lejen për ndërtimin e TEC-it me raporte mjedisore false e pa bërë asnjë konsultim me banorët. Në lojë ka hyrë dhe Engjëll Agaçi, sekretari i kryeministrit, i cili ka lobuar fort te bashkia dhe këshilltarët.
Banorët e fshatrave Suk-1, Suk-2, Arapaj, Strum, Velmish, Drenovicë, Samaticë, Rrëzë, Gorican, Kutalli etj, gjatë protestës para Bashkisë së Roskovecit ditën e miratimit të lejes, deklaruan se kompleksi i TEC-eve me gaz e mazut, që do ndërtohet në zonën Suk-1, është investim dhe biznes i Engjëll Agaçit.
Sot ata dolën sërish në protestë. Në shenjë revolte ata i kanë vënë flakën një prej shtyllave të betonit, që është vendosur për piketimin e TEC-it. Të indinjuar, banorët thanë se impianti që do të prodhojë energji gazi do të shkaktojë ndotje të mjedisit, dëme për shëndetin e tyre dhe tokat bujqësore ku 700 ha janë vetëm sera. Ata kërkuan të anulohet leja për ndërtimin e TEC-it.
“Kjo është zonë blegtorale e bujqësore. Mbi 750 ha sera që prodhojnë për vendin tonë, BE e Ballkanin. Kjo është tokë buke Kemi ardhur deri në Tiranë por kryeministri s’na dëgjon”, thotë një banor.
“I bëj thirrje kryeministrit. Ne jemi pro të votojmë, vetëm të anulojë këtë. Shumë banorë kanë frikë të dalin se i ka bërë presion zonja kryetare e bashkisë”, tha një tjetër banor i zonës.
E vërteta e lejes së këtij TEC-i, është kështu: Qeveria e miratoi ndërtimin në datën 18 dhjetor 2024, shoqëruar me përcaktimin e zonës së ndërtimit, Roskovecin, sipërfaqen, kapacitetin prodhues të energjisë, afatin e shfrytëzimit si PPP dhe specifikimet teknike, teknologjike e mjedisore, që do të zbatojë kompania “Fier Thermoelectric Sh.a”.
Por kompania “Fier Thermoelectric Sh.a”, është krijuar në datën 28 shtator 2022, ose 2 vite e 3 muaj para se të dilte vendimi i Bablokut; i cili, nuk është rastësor që ka të njëjtët specifikime dhe zonën Roskovec, siç i ka vendosur qeveria në datën 18 dhjetor 2024.
Ky fakt, dëshmon për pazar paraprak mes Bablokut e Bashkim Ulajt, për të ndërtuar dhe shfrytëzuar TEC-in në Roskovec, që tashmë është bërë vendim qeverie dhe do të ndërtohet e do të helmojë krejt zonën, nëse do ta lejojnë banorët. /Pamfleti
Lini një Përgjigje