FLASH
Shkruar nga Pamfleti
Pas 33 urdhër-arresteve në Durrës, kryeministri del publikisht kundër prokurorisë dhe ushtron presion ndaj SPAK-ut, ndërsa dy ministra kyç mbeten ende jashtë hetimit penal...
Heshtja fillestare dhe më pas reagimi i ashpër i Edi Ramës ndaj arrestimeve për aferën e mbetjeve të rrezikshme të “Kurum” tregojnë shqetësimin e kryeministrit për fazën e radhës së hetimit. Ndërsa Prokuroria e Durrësit firmosi 33 urdhër-arreste për zyrtarë dhe biznesmenë, jashtë dosjes mbetën dy figura kyçe, ish-ministrja Mirela Kumbaro, që firmosi lejen mjedisore, dhe Pirro Vengu, që lejoi kalimin e kontenierëve si drejtor porti. Kalimi i çështjes në SPAK pritet të sjellë hetimin e tyre, çka shpjegon presionin publik të Ramës ndaj drejtësisë dhe përpjekjen për ta delegjitimuar procesin penal, në një moment kur hetimet po afrohen gjithnjë e më shumë drejt kupolës së qeverisë.
Kryeministri Edi Rama nuk reagoi publikisht, kur Prokuroria e Durrësit firmosi 33 urdhër-arreste për ish-zyrtarë të Ministrisë së Mjedisit, Doganës, Portit Detar të Durrësit dhe firmave “Kurum” dhe “Sokolaj”, me akuzën e bashkëpunimit për lejimin e eksportit të mbetjeve të rrezikshme.
Heshtja e Edi Ramës lidhet me këtë fakt: Prokuroria e Durrësit nuk procedoi penalisht Mirela Kumbaron, e cila firmosi lejen kur ishte ministre e Turizmit dhe Mjedisit, dhe ministrin Pirro Vengu, i cili lejoi kalimin e mbetjeve, kur ishte Drejtor i Portit Detar të Durrësit.
Në zbatim të Kodit të Procedurës Penale, Prokuroria e Durrësit, për mungesë kompetence, pritet ta kalojë hetimin e çështjes në SPAK, ashtu siç u veprua me dosjen “Bankers”, pasi afera e mbetjeve është kryer në bashkëpunim si grup i organizuar dhe janë përfshirë qeveritarë dhe zyrtarë të tjerë të nivelit të lartë.
Në podcastin e së dielës, Edi Rama i kushtoi një pjesë urdhër-arresteve të Prokurorisë së Durrësit për personat e përfshirë në aferën e mbetjeve të “Kurum”, duke ushtruar ndaj SPAK-ut një presion paraprak dhe të rafinuar, me synim që të mos preken Kumbaro dhe Vengu.
Për këto hetime dhe arrestime, Edi Rama deklaroi:
“Vendimi i prokurorit që firmosi këto urdhër-arreste ishte i padrejtë, sepse 30 e kusur fletë-arresti janë për një çështje që nuk përmbush asnjë kusht, zero, hiç, asnjë nga kushtet e domosdoshme të drejtësisë demokratike, që përcakton kriteret për arrestime.”
Siç duket, Edi Rama është informuar se çështja e kontenierëve me mbetjet e “Kurum” do të kalojë në SPAK, i cili pritet të marrë nën hetim ministren Mirela Kumbaro dhe ministrin Pirro Vengu, të mbështetur në dokumentet që kanë firmosur dhe në moskryerjen e detyrave, si pjesë e aferës.
Ky proces penal i pashmangshëm ka alarmuar Edi Ramën, jo sepse i dhimbsen dy të përdorurit Kumbaro dhe Vengu, por sepse, në këtë moment stresi dhe paniku, ku ai ndodhet për shkak të “rrethimit” nga SPAK gjithnjë e më pranë zyrës së tij, nuk mund të përballojë procedimin penal të dy ministrave të tjerë, veçanërisht të ministrit të Mbrojtjes.
Kujtojmë se Mirela Kumbaro, me Akt-Miratimi nr. 3732, datë 22 prill 2022, kur drejtonte Ministrinë e Turizmit dhe Mjedisit, e pajisi kompaninë “Sokolaj” me Licencë Mjedisore, Kategoria “III.2.B”, për transportin dhe eksportimin e mbetjeve të rrezikshme të “Kurum”.
Ndërsa ministri Pirro Vengu, kur ishte Drejtor i Portit Detar të Durrësit, lejoi daljen e 102 kontenierëve me mbetje pa kontroll, në bashkëpunim me tre vartësit e tij: Andrea Shllaku, Aleks Marku dhe Anisa Hoxha, të cilët aktualisht i ka marrë në kabinetin e tij në Ministrinë e Mbrojtjes./Pamfleti
Jam dakord ti rrasin ne burg per shume gjera, por nuk mund te fusin ne burg drejtorin e burgut per kontrollin e konteinereve. Nuk eshte kompetence e tij por e policise se portit..Drejtori i Portit nuk mund te kontrolloje konteineret, nuk i lejohet!
Pse me presione do bëhet ky vend?!!
O Roms le nam, ne vend qe te distancohesh nga gjyqesori e te lesh dike tj te flasi per ty, se duket shume keq kur e ben kte, sepse 30 familje ngelen pa rroge kot fare se asnjeri nga ata nuk mund te lejonte me koken e vet tonelata mbetje toksike te kalonin pertej oqeanit!
Vendimet e Prokurorit i konteston Gjykata. Vendimin e Prokuroreve të Durrësit, Suela Beluli dhe Mediana Meta i konteston SPAK dhe BKH nëse kanë fshehur urdhërin e ministres Kumbaro. Dhe nëse nuk kanë marë Vendim për moskopedencë për hetimin e dy Ministrave të sotëm Kumbaro-Vengu. Edi Rama mer atribute që nuk i takojnë. Pse? Ne mund vetëm të hamendësojmë. Ndoshta është vetë i përfshirë. Unë, them se po.
Agjenti grek pirdho lengu do futur ne site te imet ku te tregoje per ke luan.?
speciet me te ndyra qe ka patur ky vend burgu eshte pak per keta