FLASH
Shkruar nga Pamfleti
Ju ftojmë të ndiqni Edicionin Informativ me zhvillimet kryesore deri ne kete ore te dites, ku ndër të tjera veçojmë:
Kryeministri Edi Rama zhvilloi një vizitë zyrtare në Japan, ku u prit nga homologja Sanae Takaichi.
Rama foli për forcimin e marrëdhënieve mes dy vendeve dhe e ftoi kryeministren japoneze në Tiranë për Samitin e NATO-s. Nga ana tjetër, Takaichi e cilësoi Shqipërinë partnere të rëndësishme dhe mbështeti rrugën europiane të vendit.
Në politikën shqiptare, përplasjet brenda opozitës janë ashpërsuar.
Ish-deputeti Ervin Salianji akuzoi Sali Berisha për marrëveshje të heshtur me Ramën, duke thënë se opozita po i jep “oksigjen politik” qeverisë.
Ndërsa aktivistja Evi Kokalari dorëzoi kallëzim penal në SPAK ndaj familjes Berisha, duke pretenduar se Partia Demokratike është përdorur si mburojë kundër drejtësisë.
Në fushën e sigurisë, drejtori i Policisë Skënder Hita priti delegacionin e BKA për të thelluar bashkëpunimin kundër krimit të organizuar.
Aktivisti Baki Goxhaj u kthye në Shqipëri pasi u deportua nga autoritetet izraelite gjatë pjesëmarrjes në flotiljen humanitare drejt Gazës.
Ai pretendoi se aktivistët u dhunuan dhe u trajtuan në mënyrë çnjerëzore.
Të dhënat e Eurostat tregojnë se Shqipëria humbi rreth 29 mijë banorë në vitin 2024 nga emigracioni, niveli më i lartë në Europë.
Ndërkohë, raporti i INSTAT evidenton rënie të nxënësve dhe tkurrje të interesit për arsimin profesional.
Në ekonomi, Bank of Albania raportoi rritje të inflacionit bazë në prill, duke treguar se presionet e çmimeve po zgjerohen përtej naftës dhe ushqimeve.
Në Kosovo, qeveria e Albin Kurti vendosi të shpërndajë nga 100 euro për disa kategori qytetarësh në prag të zgjedhjeve. Kreu i LDK, Lumir Abdixhiku, e quajti këtë tentativë për blerje votash.
Nga NATO erdhi një tjetër mesazh për Serbine.
Zyrtari Kevin Hamilton deklaroi se nuk do të ketë avancim të bashkëpunimit pa përgjegjësi për sulmet ndaj KFOR-it në veri të Kosovës në vitin 2023.
Ndërkohë, një aksident tragjik në RMV la 4 viktima, mes tyre baritonin e njohur Riste Velkov dhe djalin e tij.
Në arenën ndërkombëtare, KE mbështeti diskutimet për integrim gradual të Ballkanit Perëndimor në BE, pas propozimit të kancelarit gjerman Friedrich Merz.
Ndërsa takimi mes Emmanuel Macron dhe Kyriakos Mitsotakis konfirmoi afrimin strategjik franko-helen përballë ambicieve turke në Mesdhe.
Lini një Përgjigje