FLASH
Shkruar nga Pamfleti
Ne këtë Edicion Informativ ju ftojmë të ndiqni zhvillimet kryesore deri në këtë orë të ditës:
Politika dhe drejtësia në Shqipëri
Belinda Balluku – SPAK ka kërkuar arrestimin e zv.kryeministres së pezulluar, ndërsa seanca plenare e 5 marsit do të vendosë mbi heqjen e imunitetit të saj. Opozita pritet të mbështesë kërkesën, socialistët kundërshtojnë.
Erion Veliaj – Apeli i Posaçëm rrëzoi kërkesën e kryebashkiakut për zbutjen e masës “arrest me burg”, vendim i marrë nga gjyqtarja Nertina Kosova.
Fatmir Mediu dhe dosja “Gërdeci” – Ish-ministri i Mbrojtjes kërkon përjashtimin e gjyqtares Irena Gjoka, duke argumentuar se provat nuk e implikojnë në shpërdorim detyre.
Rezart Taçi – SPAK kërkon 13 vite burg për pastrim të 18.3 milionë eurove të dyshuara si të Cosa Nostra’s; biznesmeni ndodhet në arrati.
Rrjolli, Velipojë – Apeli njeh pronarët e ligjshëm të 147 hektarëve, por 150 forca policore vazhdojnë punimet për resortin e Bashkim Ulajt.
Call Center – Apeli ndryshoi masën e sigurisë për 4 persona, të tjerët mbeten nën arrest; tre organizatorë të dyshuar janë ende në kërkim.
Ambasada dhe hetime ndërkombëtare
Aida Sakiqi – Ambasadorja në Gjermani është nën hetim dhe e pandehur për shpërdorim detyre, falsifikim dokumentesh dhe përvetësim detyre shtetërore, pas emërimit të një shtetasi rus.
Lufta në Ukrainë dhe mbështetja ndërkombëtare
4-vjetori i luftës – Në Kiev u mbajtën ceremonitë përkujtimore dhe u ndezën qirinj për viktimat. Zelensky theksoi rezistencën e Ukrainës dhe mbrojtjen e pavarësisë.
Udhëheqësit e BE-së në Kiev – Antonio Costa, Ursula von der Leyen, Alexander Stoupa dhe Mette Frederiksen morën pjesë në homazhe dhe shprehën solidaritet me Ukrainën.
Vladimir Putin – Akuzon Ukrainën për sabotim të procesit të paqes dhe kërkon forcimin e mbrojtjes së infrastrukturës energjetike ruse.
Lini një Përgjigje