FLASH
Shkruar nga PamfletiJu ftojmë të ndiqni një bllok lajmesh me zhvillimet kryesore nga kronika e zeze, ku ndër të tjera veçojme:
Në sistemin gjyqësor shqiptar, GJKKO ka shpallur të pafajshëm ish-shefin e Rrugores Roven Zeka për korrupsion pasiv, ndërsa dy ish-zyrtarë të tjerë u dënuan me nga dy vite burg të konvertuara në shërbim prove.
Në një tjetër vendim që ka nxitur debat publik, ish-ministri Ilir Beqaj u lejua të mos qëndrojë më në kafazin e xhamit gjatë seancave gjyqësore, duke u vendosur pranë avokatit të tij.
Ky vendim ka rikthyer diskutimet për standardet e trajtimit të të pandehurve, sidomos pas rasteve ku kërkesa të ngjashme janë refuzuar për figura të tjera politike.
Në arenën ndërkombëtare, Ervin Mata u arrestua në Brazil pas dy vitesh hetimesh për trafik ndërkombëtar droge, në një operacion ku u përfshinë edhe forca të specializuara.
Ndërkohë në Britani u ndalua procedura e ekstradimit për disa të dyshuar të përfshirë në vrasjen e biznesmenit shqiptar Ardian Nikulaj, duke lënë të hapur çështjen mes dy juridiksioneve.
Në Tiranë dhe zonat turistike janë regjistruar një sërë goditjesh ndaj aktiviteteve kriminale: arrestime për mashtrime financiare përmes “call center”-ave, grupe prostitucioni të organizuar në apartamente me qira, si dhe raste të shumta të trafikut të drogës.
Lini një Përgjigje