FLASH
Shkruar nga Pamfleti
Një deklaratë e përbashkët, e mbështetur nga 79 vende që janë palë në Gjykatën Penale Ndërkombëtare, përfshirë dhe Shqipërinë, rikonfirmoi mbështetjen e tyre të palëkundur për gjykatën globale në Hagë.
Deklarata erdhi pasi presidenti i SHBA-së, Donald Trump nënshkroi një urdhër për të vendosur sanksione ndaj stafit të Gjykatës Ndërkombëtare të Hagës për veprime të paligjshme dhe të pabaza që synojnë Shtetet e Bashkuara të Amerikës dhe aleatin e saj Izraelin.
“Masa të tilla rrisin rrezikun e mosndëshkimit për krimet më të rënda dhe kërcënojnë të minojnë shtetin ndërkombëtar të së drejtës, i cili është vendimtar për promovimin e rendit dhe sigurisë globale”, thuhet në deklaratën e përbashkët.
79 nënshkruesit janë nga 125 vendet anëtare të gjykatës penale ndërkombëtare, dhe Shqipëria përmendet si nënshkrues i deklaratës në fjalë.
“Gjykata është një një shtyllë jetike e sistemit ndërkombëtar të drejtësisë”, thuhet në deklaratë, duke shtuar se sanksionet mund të “minojnë rëndë” hetimet në zhvillim dhe të çojnë në mbylljen e zyrave të kësaj gjykate ne terren.
Vitin e kaluar, ICC lëshoi një urdhër arresti për Netanyahun për krime të dyshuara lufte në Gaza - të cilat Izraeli i mohon - si dhe për një komandant të Hamasit. Shtetet e Bashkuara kanë dënuar "barazimin e turpshëm moral" të gjykatës midis Izraelit dhe Hamasit.
SHBA dhe Izraeli nuk e njohin autoritetin e GJPN-së, e vetmja gjykatë globale me kompetenca për të ndjekur penalisht individët për gjenocid, krime kundër njerëzimit dhe krime lufte. Ajo gjithashtu ka nisur më parë hetime ndaj shtetasve amerikanë.
ICC numëron 125 shtete anëtare në mbarë botën, duke përfshirë Britaninë e Madhe dhe shumë vende evropiane.
Mbretëria e Bashkuar, Franca dhe Gjermania ishin ndër 79 nënshkruesit e një deklarate të përbashkët të lëshuar të premten për të dënuar urdhrin ekzekutiv të Trump. Australia, Republika Çeke, Hungaria dhe Italia ishin mes atyre që mungonin.
Duket se qëndrimi i Shqipërisë është në përputhje me atë të mbajtur nga disa prej vendeve anëtare të BE-së.
Lini një Përgjigje