FLASH
Shkruar nga Pamfleti
Rreth 20 persona që besohet se janë shtetas shqiptarë janë gjetur të fshehur poshtë kuvertës në një jaht në Cornëall.
Trafikant֝ët e dyshuar të njerëzve janë arrestuar pasi anija u pa duke u nisur drejt bregut jugor të Britanisë.
Kur oficerët e Forcave Kufitare kontrolluan jahtin gjetën 20 pasagjerë - 19 burra dhe një grua - të fshehur poshtë kuvertës.
Njëri prej personave është liruar nga hetimi penal, por është ndaluar pasi ndodhet ilegalisht në Britaninë e Madhe.
Në lidhje me ngjarjen, shtetasja shqiptare B. B, 44 vjeçe, është akuzuar për lehtësimin e hyrjes së paligjshme.
Dy persona të tjerë, të dy shtetas shqiptarë, u arrestuan nën dyshimin për lehtësimin e hyrjes së paligjshme.
Një zëdhënës i Home Office tha: "Ne të gjithë duam t'i japim fund kalimeve të rrezikshme me varka të vogla, të cilat kërcënojnë jetët dhe minojnë sigurinë tonë kufitare.
Bandave të kontrabandës së njerëzve nuk u intereson nëse njerëzit vulnerabël që shfrytëzojnë jetojnë apo vdesin, për sa kohë ata paguajnë dhe ne nuk do të ndalemi para asgjëje për të çmontuar modelet e tyre të biznesit dhe për t'i sjellë para drejtësisë”.
Lini një Përgjigje