FLASH
Shkruar nga Pamfleti
Për shkak të përkeqësimit të kushteve atmosferike, me reshje shiu, breshër dhe dëborë në disa zona të vendit, Policia e Shtetit u bën apel drejtuesve të automjeteve të tregojnë kujdes të shtuar gjatë qarkullimit rrugor, me qëllim parandalimin e aksidenteve.
Në veçanti, në zonat malore, drejtuesit e mjeteve këshillohen të pajisin automjetet me goma dimërore si dhe të shmangin lëvizjet e panevojshme në kushte të vështira.
Policia kërkon nga drejtuesit kujdes të shtuar në qarkullim, të ulin shpejtësinë si dhe të shmangin parakalimet e gabuara.
Njoftimi i policisë:
Apel për më shumë kujdes në rrugë. Për shkak të motit të keq, me reshje shiu, breshëri dhe dëbore, me qëllim parandalimin e aksidenteve rrugore, Policia e Shtetit apelon që drejtuesit e automjeteve dhe motomjeteve të tregojnë më shumë kujdes gjatë qarkullimit.
Në zonat malore, drejtuesit e automjeteve të kenë me vete mjetet antirrëshqitëse dhe të përdorin goma dimërore.
Shërbimet e Policisë po koordinojnë me firmat kontraktore të mirëmbajtjes së rrugëve në të gjitha zonat ku ka prezencë të breshërit dhe dëborës, me qëllim pastrimin në kohë të rrugëve.
* Moderoni shpejtësinë
* Mos kryeni parakalime të gabuara
* Mos përdorni celularin gjatë drejtimit të mjetit
* Mos drejtoni automjetin nën efektin e alkoolit.
Shërbimet e Policisë po koordinojnë me firmat kontraktore të mirëmbajtjes së rrugëve në të gjitha zonat ku ka prezencë të breshërit dhe dëborës, me qëllim pastrimin në kohë të rrugëve.
Lini një Përgjigje