FLASH
Shkruar nga Pamfleti
Autoriteti Rrugor Shqiptar, paraditen e sotme ka njoftuar mbi situatën në akset rrugore.
Sipas ARRSH, reshje dëbore ka pasur vetëm në Llogara mbrëmë dhe sot, teksa thekson se është punuar për pastrimin e rrugëve.
Në të gjitha akset e tjera nacionale, qarkullimi kryhet pa probleme.
Gjithashtu, ARRSH njofton që drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe të ndjekin udhëzimet e Policisë Rrugore.
“Gjatë orëve të natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës
Temperaturat kanë qenë të ulëta, deri në -7 në zonat malore.
Grupet e punës të mirëmbajtjes kanë punuar pa ndërprerje në të gjitha akset me prezencë dëbore për shpërndarjen e kripës me qëllim evitimin e ngricave
Qarkullimi vijon pa probleme në të gjitha akset nacionale.
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, njofton ARRSH.
Lini një Përgjigje