FLASH
Shkruar nga Pamfleti
ARRSH ka dhënë detaje mbi situatën e akseve në disa zona të vendit, ku ka prani të dëborës.
Reshjet e borës kanë përfshirë vendin tonë gjatë natës dhe në orët e para të mëngjesit, ku në juglindje dhe qytetin e Kukësit, disa zona kanë mbetur pa energji elektrike.
Sipas ARRSH, qarkullimi vijon pa probleme në të gjitha akset nacionale, ndërsa u është bërë apel drejtuesve të mjeteve të pajisen me goma dimërore dhe zinxhirë kur udhëtojnë për në segmentet e mësipërme që janë me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
“Gjatë natës dhe në orët e para të mëngjesit ka pasur reshje dëbore në akset Bilisht-Kapshticë, Qafë Qarri-Ersekë, në Dardhë, në Voskopojë, Zëmblak-Dogana Goricë, Pukë-Fushë Arrëz, Qafë Mali-Kukës dhe në Valbonë
Temperaturat kanë qenë në vlera negative deri në -3 °C
Mjetet borëpastruese kanë punuar për pastrimin e borës dhe shpërndarjen e kripës pa ndërprerje
Qarkullimi vijon pa probleme në të gjitha akset nacionale
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet e mësipërme që janë me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, njofton ARRSH.
Lini një Përgjigje