FLASH
Shkruar nga Pamfleti
Ish-ministri i Financave, Arben Malaj, deklaroi se kryeministri Edi Rama në vitin 2013 tentoi të krijonte një parti të re politike, por pas dështimit zgjodhi të përdorte Partinë Socialiste për ambiciet e tij personale.
Malaj u shpreh se rezultati i dobët i “Mjaftit” në zgjedhjet e vitit 2013, me vetëm 0.6% të votave, tregoi se Rama humbi mundësinë për të ndërtuar një subjekt të ri politik.
Sipas Malajt, pas këtij dështimi, Rama “mori targën e PS-së” dhe e përdori partinë si mjet për të realizuar interesat dhe projektet e tij personale politike.
Ai theksoi se kjo qasje ka ndikuar drejtpërdrejt në mënyrën se si është ndërtuar lidershipi dhe struktura drejtuese e Partisë Socialiste pas vitit 2013.
Malaj kritikoi përzgjedhjen individuale të figurave politike, duke argumentuar se shumë prej tyre u promovuan pa kaluar një proces real besimi publik dhe më pas përfunduan të përjashtuar nga politika aktive.
“Kjo ka qenë një mënyrë drejtimi e dhimbshme, jo vetëm për socialistët, por për gjithë Shqipërinë,” u shpreh ai në emisionin “Off the Record” në A2CNN.
Lini një Përgjigje