FLASH
Shkruar nga Pamfleti
Dhunuesit e avokatit duken të veshur me rroba të zeza dhe me kapele në kokë.
Publikohen pamjet e dhunës barbare të ushtruar ndaj avokatit Sokol Mëngjesi, mëngjesin e sotëm në zonën i ish-Bllokut.
Nga pamjet e publikuara, avokati shikohet se po qëndronte në këmbë në hyrjen e kopshtit, pasi kishte lënë djalin kur është sulmuar nga tre personat të cilët e kanë goditur.
Në momentin e parë shihet se si ai goditet në kokë me dorezë hekuri dhe bie për tokë.
Më pas është qëlluar me shkelma e sende të tjera, dhe autorët janë larguar me vrap duke e lënë pa ndjenja.
Dhunuesit e avokatit duken të veshur me rroba të zeza dhe me kapele në kokë. Ata shfaqen duke u larguar me vrap pasi kanë goditur me doreza hekuri avokatin, i cili ndodhet në intubim në spitalin e Traumës në Tiranë.
Pas zbulimit të identitet të 4 autorëve të cilët dhunuan avokatin Soklo Mëngjesi, njëri prej tyre, Dorian Alia është dorëzuar në polici.
Ndërkohë që për 3 autorët e tjerë të cilët kanë qenë të përfshirë në ngjarje është vënë një shpërblim me vlerë 20 mijë euro për këdo që jep informacion për vendndodhjen e tyre.
Lini një Përgjigje