FLASH
Shkruar nga Pamfleti
Ekspert i kriminalistikës, Ervin Karamuço ka treguar se familjarët e një politikani kanë dalë pronarë të mëdhenj tokash në periferi të Tiranës. Ai nuk bëri me dije emra, por tha se bëhet fjalë për mijëra metër katrorë tokë që më parë nuk dihej se ishin në ngarkim të këtyre personave.
Karamuço tha se do të hapet një tjetër çështje penale për këtë politikan dhe familjarët e tij.
“Janë disa hetime dhe në një prej këtyre hetimeve, ndërkohë që mund të merreshin masa konkrete, kanë vajtur 2 oficerë të BKH dhe kanë gjetur një mal me prova dhe do hapet një çështje tjetër penale sepse familjarët e një politikani na kanë dalë latifondistët më të mëdhenj të rrethinave të Tiranës me 9 kartela me mijëra metër katrorë që deri dje nuk diheshin që ishin në ngarkim të tyre. Kjo ka frenuar një hetim, prandaj amplituda e SPAK ndryshon herë pas here sepse ka një ngarkesë të tillë dhe kjo është arsyeja pse shtyhen hetimet”, u shpreh ai në një intervistë për RTSH.
Lini një Përgjigje