FLASH
Shkruar nga Pamfleti
Ministri grek i Mbrojtjes së Qytetarit, Yannis Oikonomou është takuar me Fredi Belerin që ndodhet në paraburgimin e Durrësit.
Mësohet se ai ka hyrë në ambientet e brendshme të burgut të Durrësit, ku është takuar me kryetarin e zgjedhur të Bashkisë së Himarës.
Vizita e ministrit te brendshëm vjen pasi gjykata vendosi një ditë më parë nisjen e gjykimit në ngarkim të Fredi Belerit.
Oikonomou mbërriti një ditë më parë, në Tiranë për Ministerialin e Ministrave të Brendshëm, në kuadër të Procesit të Berlinit.
Kujtojmë se Gjykata e Posaçme ka pranuar dje kërkesën e SPAK dhe ka vendosur që të kalojë për gjykim dosjen për kreun e OMONIA, duke rrëzuar kërkesën e avokatëve të tij për pushimin e çështjes.
Arrestimi i Fredi Belerit më 12 maj me akuzën e korrupsionit në zgjedhje dhe mbajtja e tij në paraburgim ka sjellë përplasje diplomatike në marrëdhëniet mes Tiranës dhe Athinës.
Fituesi i zgjedhjeve për Bashkinë Himarë, ka bërë 2 kërkesa për leje të veçantë që t’i mundësohet betimi si kryebashkiak, por burgjet e kanë refuzuar. Ndërsa në Gjykatën e Lartë, Beleri ka bërë 2 rekurse për të shpallur të paligjshëm arrestimin dhe përgjimet e prokurorisë.
Lini një Përgjigje