FLASH
Shkruar nga Pamfleti
Nënkryetari i Partisë së Lirisë, Tedi Blushi u shpreh se ish-Presidenti Ilir Meta u rrëmbye dhe u dhunua nga Forcat Operacionale të Policisë.
Blushi tha se Ilir Meta është goditur në kokë gjatë arrestimit nga agjentët e policisë.
“Është dhunuar, është goditur në kokë z.Meta. Pamjet filmike e tregojnë më së miri. Është goditur në kokë nga këta banditë”.
Por Tedi Blushi tha se për orë të tëra nuk e dinin ku ndodhej Ilir Meta pas arrestimit dhe më pas telefonoi drejtorin e Policisë së Tiranës.
Madje, Blushi ngriti dyshime se ndoshta ishte tentuar edhe eliminimi i Metës.
“Është goditur në kokë nga këta banditë, të cilët i kanë zënë rrugën befasisht, e kanë rrëmbyer dhe as familjarët e tij, as zyrtarët e Partisë së Lirisë, as oficerët e Gardës nuk e dinin për orë të tëra ku ndodhej z. Meta. Kam kontaktuar personalisht Tonin Vocajn se nuk e dinim ku ndodhej, menduam që ka qenë një akt kriminal. As Vocaj në fillim nuk e dinte, pastaj na njoftoi, tha po ma sollën tek Drejtoria e Tiranës. Ky është një rrëmbim politik, që ka pasur, dyshoj, ndoshta ka pasur qëllim edhe eliminim fizik të z. Meta”.-tha Meta në Opinion.
Lini një Përgjigje