FLASH
Shkruar nga Pamfleti
Policia e Tiranës ka zhvendosur vendin në të cilin do të mbahet protesta e thirrur nga Sali Berisha. Partia Demokratike ka arritur një dakordësi me policinë duke ndryshuar disa kushte të protestës së kësaj force politike që do të mbahet ditën e nesërme në kryeqytet, që përkon dhe me Samitin Politik Evropian në kryeqytetin tonë.
Protesta e demokratëve do të mbahet në Bulevardin e Ri. Kjo zonë do të merret përsipër nga policia e kryeqytetit duke garantuar rendin dhe sigurinë gjatë tubimit.
Më herët Partia Demokratike njoftoi uniformat blu se do të mbante protestën pranë Bulevardit Zogu i Parë, por kjo nuk u aprovua nga policia për shkak të perimetrit të sigurisë të përcaktuar për samitin.
Kryedemokrati Sali Berisha është shprehur më herët se protesta do të jetë paqësore me qëllim për të sensibilizuar ndërkombëtarët për krimet elektorale.
Lini një Përgjigje