FLASH
Shkruar nga Pamfleti
Ka nisur protesta kombëtare e opozitës e cila mbahet sot në 33-vjetrorin e rrëzimit të bustit të diktatorit Enver Hoxha. Deputetë e grupit të Rithemelimit së bashku me ata të grupit të Bardhit kanë dalë nga selia e PD-së dhe janë nisur drejtë Kryeministrisë ku dhe do të mbahet protesta.
Dalja e dy grupeve të deputetëve nga selia e PD-së ishte gjithashtu një shenjë simbolike për të treguar bashkimin e dy grupimeve, të Bardhit dhe Berishës. Pas daljes së tyre, deputetët e drejtuar nga Flamur Nokoka, Gazment Bardhi dhe Luçiano Boçiu shoqëruan drejt kryeministrisë nga disa qytetarë të cilët ishin mbledhur para selisë së PD-së.
Kujtojmë se kjo është protesta e parë kombëtare e thirrur nga opozita për këtë vit, pas tubimeve të përditshme poshtë banesës së ish kryeministrit Sali Berisha. Gjithashtu kjo është protesta e parë e opozitës që zhvillohet pa Berishën, për shkak se ky i fundit ndodhet në arrest shtëpie.
Lini një Përgjigje