FLASH
Shkruar nga Pamfleti
Pas një jave me reshje intensive shiu dhe dëme të konsiderueshme materiale, moti do të na sjellë sërish reshje.
Sipas meteorologes Anira Gjoni, gjatë kësaj jave pritet rikthim i reshjeve të dendura, të cilat do të jenë më të ndjeshme në Shkodër dhe Kukës.
“Gjatë kësaj jave pritet rikthim i reshjeve të dendura, të cilat do të jenë më të ndjeshme në Shkodër dhe Kukës të cilat do të nisin mbrëmjen e sotme dhe nesër do të shtohen më shumë.
Temperaturat do të rriten me rreth 2°C:
Bregdeti: temperatura minimale do të jetë rreth 14°C, ndërsa maksimalja deri në 17°C
Zonat e ulëta: minimalet pritet të zbresin në 9°C, maksimalet deri në 16°C
Zonat malore: minimalet rreth 5°C, maksimalet deri në 9°C
Rreshje do të ketë në të gjitha qarqet e vendit, por me intensitete të ndryshme. Në Shkodër & Kukës do te kete reshje më intensive, Vlorë & Gjirokastër me reshje mesatare dhe në Dibër, Lezhë & Korçë do te regjistrohen reshje më të dobëta.
Rikthimi i reshjeve sot dhe nesër mund të sjellë disa problematika me prurjet e ujërave.
Intensiteti më i lartë i reshjeve do të shfaqet gjatë natës dhe ditës së nesërme, me mundësi për situata problematike në veri të vendit”, tha ajo në “MCN”.
Lini një Përgjigje