FLASH
Shkruar nga Pamfleti
Ish kryetarja e Bashkisë së Patosit, Rajmonda Balilaj u paraqit sot në SPAK
Ajo u pezullua nga detyra si prefekte e qarkut të Fierit. Balilaj akuzohet per abuzim me tendera dhe favorizim të një kompanie në dy raste.
Balilaj akuzohet për abuzim me tendera dhe favorizim të një kompanie në dy raste, kur drejtonte bashkinë e Patosit. Ajo paracaktoi kompaninë ‘Genti 001’ fituese para se të zhvillohej tenderi.
Bëhet fjalë për një kompani, e cila rezulton me pronar 100% të aksioneve Ilir Dervishaj, kompani e cila sipas SPAK është shpallur fituese në 32 procedura prokurimi të organizuara nga Bashkia Patos.
Abuzimi për të cilin SPAK po është tenderi me objekt “Ndërtim emergjent i murit mbajtës në trupin e rrugës në fshatin Ruzhdie, si pasojë e rrëshqitjes së tokës dhe kthim i rrugës në gjendjen e mëparshme”.
Seanca e datës 13 mars, për verifikimin e masës së sigurisë për pezullimin nga detyra, nuk është zhvilluar në GJKKO pasi Balilaj është në Shtetet e Bashkuara të Amerikës.
Lini një Përgjigje