FLASH
Shkruar nga Pamfleti
Kapiteneria e Portit të Sarandës ka njoftuar ndalimin e përkohshëm të lundrimit për shkak të përkeqësimit të kushteve atmosferike dhe detare.
Sipas njoftimit zyrtar, erërat me intensitet të lartë dhe dallgëzimi që arrin deri në 6 ballë Beaufort kanë tejkaluar normat e lejuara për lundrim të sigurt, duke detyruar autoritetet të ndalojnë dhënien e lejeve për dalje në det gjatë ditës së sotme.
Ndalimi përfshin të gjitha mjetet lundruese, përfshirë mjetet turistike, peshkarexhat dhe skafet e vogla, në të gjithë gjirin dhe zonën bregdetare të Sarandës, Ksamilit dhe Borshit.
Po ashtu, për shkak të situatës së krijuar, është pezulluar edhe lëvizja e tragetit të linjës Sarandë–Korfuz dhe anasjelltas, i cili nuk do të operojë deri në një njoftim të dytë nga autoritetet përkatëse.
Lini një Përgjigje