FLASH
Shkruar nga Pamfleti
Kantieret e ndërtimit do të monitorohen me dronë dhe kamera në kohë reale për të kontrolluar zbatimin e projektit. Kjo u bë e ditur nga Kryeministri Edi Rama në një konferencë për mediat, ndërsa paralajmëroi marrjen e masave për këdo që ndërron destinacionin e një njësie pa një leje përkatëse, duke iu referuar bizneseve që operojnë në pallate.
“Arkitektit i hiqet licenca për 5 vite dhe nuk mund të ushtrojë profesionin.
Një pikë tjetër është monitorimi i territorit me kamera dronë dhe sisteme GPS për kontrollin në kohë reale te zbatimit të lejeve të ndërtimit, në të gjitha kantieret e ndërtimit. I gjithë procesi ndiqet në kohë reale.
Një tjetër masë është krijimi i fondit të gjelbër që parashikon që subjektet ndërtuese duhet të caktojnë një raport të caktuar pemësh në raport me sipërfaqen e banorëve, që do të përcaktohet me VKM.
Ky është një plan për të cilën do të krijohen fidanishte publike ku subjektet do të sjellin pemët. Do të ketë një katalog me parametrat e përcaktuara. Kush ndërton më shumë do të mbjellë më shumë pemë.
Kemi marrë një tjetër masë ndalimi i ndryshimit të destinacionit të një objekti pa një leje përkatëse.
Dhuna e gjumit u bie mbi furrë ose mbi sharrën e Shabanit, nga personat që nuk janë të përcaktuar fare të zhvillojnë një aktivitet aty ku ka familje.
Aktivitetet duhet të jenë me leje dhe duhet të jenë të natyrave që nuk shqetësojnë banorët e pallatit”, tha ai.
Lini një Përgjigje