FLASH
Shkruar nga Pamfleti
Pas përfundimit të orarit zyrtar të votimit, KQZ-ja ka dalë me një deklaratë zyrtare lidhur me mbarëvajtjen e procesit të votimit në Himarë ditën e sotme.
Sipas KQZ-së, procesi i votimit në 36 qendrat e votimit ka vijuar i qetë, teksa thekson se pjesëmarrja ka qenë në 36.9 për qind.
Më tej, KQZ-ja ka deklaruar se procesi i numërimit të votave do të fillojë kur të mbërrijë në KZAZ edhe kutia e fundit të votimit.
Deklarata zyrtare e KQZ:
Në orën 19:00 përfundoi orari i votimit për zgjedhjet e pjesshme për Kryetarin e Bashkisë Himarë. Qendrat e votimit janë mbyllur në të gjithë territorin e bashkisë.
Procesi i votimit në 36 QV ka vijuar i qetë ndërkohë që zgjedhësit janë identifikuar elektronikisht dhe sistemi PEI ka rezultuar krejt i suksesshëm. KQZ e ndoqi në dinamikë ecurinë e procesit, duke ndërhyrë në rastet kur u kërkua asistencë nga ana e Komisionerëve të Qendrave të Votimit.
Nga informacionet paraprake dhe të dhënat e raportuara, nga pjesëmarrja në zgjedhje rezulton 36.9%. Komisionet e QV po përgatiten për të dorëzuar kutitë e votimit dhe materialet zgjedhore në KZAZ-në nr. 88, për t’i hapur rrugë procesit të numërimit të votave.
Procesi i numërimit të votave do të fillojë kur të mbërrijë në KZAZ edhe kutia e fundit e votimit nga QV me largët.
Lini një Përgjigje