FLASH
Shkruar nga Pamfleti
Vendimi i qeverisë që dita e premte të jetë pushim ka bërë që shumica e banorëve të Tiranës të largohen nga kryeqyteti. Një pjesë shumë e madhe janë drejtuar drejt juglindjes, ndërsa një pjesë tjetër drejt bregdetit. Kjo ka bërë që autostrada Tiranë-Elbasan dhe rruga Tiranë-Durrës të paralizohen nga trafiku.
Autostrada Tiranë-Elbasan ka qëndruar e bllokuar për orë të tëra, duke krijuar radhë kilometrike. Shumë shoferë kanë zbritur nga makinat, pasi lëvizja ka qenë e pamundur. Edhe rruga drejt Durrësit ka pasur trafik shumë të rënduar. Po ashtu, edhe rrugët në Tiranë kanë pasur pasdite dhe gjatë mbrëmjes trafik të rënduar.
Kjo situatë është e përhershme sa herë që ka festa apo ditë pushimi. Policia, edhe pse ka dalë me paralajmërime, duket se ka dështuar sërish në menaxhimin e situatës. Policia e ka mendjen të vendosë gjoba dhe të japë paralajmërime për ata që ecin me shpejtësi, por harron radhët e makinave.
Lini një Përgjigje