FLASH
Shkruar nga Pamfleti
Juristi Kreshnik Spahiu tha në një intervistë se kur ka qenë kryetar i Aleancës Kuq e Zi i janë kërkuar dy gjëra, mes tyre dhe mos bashkëpunimi me Albin Kurtin.
Ai kujtoi se bëhet fjalë për një periudhë kur Kurti ishte thjesht kreu i një partie me 12 deputetë dhe jo kryeministër.
“Mua personalisht më është kërkuar nga diplomacia amerikane dy gjëra, e para mos ndërhy dhe destabilizohet Maqedonia dhe e dyta mos bashkëpuno me Albin Kurtin. Kur isha kreu i Aleancës Kuq e Zi më janë kërkuar këto dy gjëra dhe mos harroni, nuk ishte kryeministër, ishte kryetar i një partie me 12 deputetë në atë periudhë”, u shpreh Spahiu për “Now me Erla Mëhillin”.
Ai tha se për arsyet e kësaj kërkese nuk mund të pyeste amerikanët para 12 vitesh, por e përdori këtë histori për të treguar se sa të forta janë arsyet e amerikanëve për ta mbajtur larg Albin Kurtin.
Lini një Përgjigje