FLASH
Shkruar nga Pamfleti
Rrëzimi i kërkesës së Fredi Belerit nga Gjykata e Posaçme për ndryshimin e masës së sigurisë, është quajtur nga ministria e Jashtme greke, si një tentativë për të ndaluar betimin e tij si kryebashkiak i Himarës.
Me anë të një deklarate të shkurtër për shtyp, në faqen zyrtare të saj ministria e Jashtme greke u shpreh se mbajtja e tij në burg është vetëm për qëllime politike.
Gjithashtu në deklaratë thuhej se Athina zyrtare po ndjek me vëmendje zhvillimet dhe pret respektimin e të drejtës së pafajësisë, deri në zhvillimin e gjyqit, element themelor i shtetit ligjor, nga shteti fqinj.
Kujtojmë se Greqia është me qeveri të përkohshme deri në zhvillimin e zgjedhjeve të reja në 25 qershor. Gjithsesi lajmi se kandidati i zgjedhur i Bashkisë së Himarës do të vijojë të mbetet në masën e arrestit në burg e kanë transmetuar të gjitha mediat greke.
Lini një Përgjigje