FLASH
Shkruar nga Pamfleti
Gazetari Arian Çani në emisionin ‘Now’ është shprehur se kryeministri Edi Rama e ka ftuar për drekë Fredi Belerin, i cili ndodhet në burg.
Ai theksoi se Rama nuk ka asgjë personale me Belerin, por i intereson Himara.
Më tej ai theksoi se një grup personash e duan Belerin në burg, për arsye të ndryshme.
“Sulltani i madh Edi Rama e ka ftuar për drekë Fredi Belerin në kryeministri së bashku me një grup personash disa vite më parë. Rama nuk ka asgjë personale me Belerin. Rama sot ka mbi 7 njerëz që quhen gazetarë por në fakt janë biznesmenë, të cilët për arsye të ndryshme duan që Beleri të qëndroj në burg.”- tha ai.
Policia e Shtetit arrestoi mesnatën e 12 majit Fredi Belerin, kandidati i koalicionit “Bashkë fitojmë” për bashkinë e Himarës nën akuzën për blerje votash.
Fredi Beleri u shpall fitues në zgjedhjet vendore të 14 majit.
Hetimi ndaj Fredi Belerit u krye mbas një referimi të policisë në datën 8 maj që angazhoi prokurorinë mbi dyshimet e shitblerjes së votës. Më pas thotë prokuroria një qytetar ofroi bashkëpunimin me drejtësinë, duke ekspozuar Belerin dhe Kokaveshin që dyshohet se paguan para në shkëmbim të votës.
Pagesa u krye në një lokal, dhe autoritetet theksojnë që disponojnë përgjime ambjentale të kryera nga një grup operacional i dërguar nga Tirana.
Lini një Përgjigje