FLASH
Shkruar nga Pamfleti
Aktivisti Altin Hazizaj ka shpërthyer në kritika ndaj Kryepeshkopit Anstas Janullatos. Ky i fundit ka shkuar për mjekim në Greqi, teksa flitet se gjendja e tij është kritike. Por jo të gjithë janë hidhëruar në Tiranë.
Sipas Hazizajt, ai është uzurpues i Kishës Ortodokse në Shqipëri, teksa shton se nuk e ngriti kurrë zërin për keqtrajtimin që u bëhej shqiptarëve në Greqi.
“Ky zotnia u ka shumë borxhe shqiptarëve! Ai do të mbetet uzurpues i Kishës së Nolit sepse erdhi me një qëllim të vetëm të nënshtronte kishën e pavarur shqiptare e ta paraqiste atë si vasale të asaj greke!
Në 34 vjet ky zotnia, që do të takojë djajtë e tij, nuk e çoi një herë të vetme zërin për shqiptarët që trajtoheshin si skllevër në Greqi në fillimet e '90s, nuk kërkoi asnjë të drejtë për ta, përkundrazi u bë pjesë e linçimit që ju bëhej njerëzve tanë duke ju ndryshuar emrin dhe identitetin e tyre!
E dyta, ky zotnia nuk e hapi asnjëherë gojën për të ashtuquajturin Virio Epir, sepse ishin ato qarqe që e mbështesnin mbi të gjitha qëndrimin e tij në krye të kushës - në kundërshtim me statutin e saj!
E treta, kisha ortodokse shqiptare në objektet e saj është shumë herë më origjinale sesa ajo greke apo serbe! Po zotnia nuk donte që as në dukje kishat tona të dukeshin shqiptare, po për faqe të zezë i ka kthyer ato në imazhe të shëmtuara të kishës greke”, shkruan ai në rrjetet sociale.
Lini një Përgjigje