FLASH
Shkruar nga Pamfleti
Strukturat e Administratës Tatimore dhe Ministrisë së Bujqësisë ka vijuar aksionin për formalizimin dhe përmirësimin e sigurisë ushqimore në tregun e produkteve bujqësore dhe blegtorale.
Me anë të një njoftimi në rrjetet sociale, Drejtoria e Përgjithshme Tatimore ka informuar se në tre ditë aksion janë inspektuar 87 objekte dhe janë bllokuar 20 ton mallra.
“Vazhdon me intensitet aksioni për formalizimin dhe përmirësimin e sigurisë ushqimore në tregun e produkteve bujqësore dhe blegtorale, nga strukturat e Administratës Tatimore dhe Ministrisë së Bujqësisë.
Rezultatet e 3 ditëve të para tregojnë qartë nevojën për formalizimin e plotë të këtij sektori, si një garanci për cilësinë, sigurinë ushqimore dhe mbrojtjen e konsumatorit.
Ftojmë të gjithë tatimpaguesit të zbatojnë ligjin duke lëshuar faturë fiskale në çdo hallkë të zinxhirit ushqimor, për të siguruar gjurmueshmëri dhe transparencë nga prodhuesi te konsumatori”, thuhet në njoftimin e Drejtorisë së Përgjithshme Tatimore.
Lini një Përgjigje