FLASH
Shkruar nga Pamfleti
Një aksident tragjik ndodhi mbrëmjen e djeshme në Lezhë, ku si pasojë humbi jetën një person.
Bëhet fjalë për shtetasin Bled Sokoli, ndërsa një 23-vjeçar mbeti i plagosur.
Dyshohet se shkak i aksidentit ka qenë parakalimi i gabuar.
Në aksident u përfshinë 3 automjete, konkretisht dy makina dhe një fuoristradë. Një prej mjeteve nga përplasja e fortë është përmbysur dhe ka përfunduar anash rrugës.
“Rreth orës 21:00, në aksin rrugor “Lezhë- Milot”, janë përplasur tre automjete.
Si pasojë e përplasjes ka ndërruar jetë në vendngjarje drejtuesi i automjetit tip “Opel”, ende i paidentifikuar.
Ndërsa shtetasi A. R., 23 vjeç, drejtuesi i automjetit tip “Ford” ndodhet nën kujdesit e mjekëve.
Ndërkohë drejtuesi i automjetit tip “Toyota” ndodhet në vendngjarje .
Grupi hetimor vijon veprimet në vendngjarje për përcaktimin e rrethanave dhe shkakut të aksidentit”, njoftoi policia mbrëmjen e djeshme për aksidentin.
Lini një Përgjigje