FLASH
Shkruar nga Pamfleti
Familjarët e 57-vjeçarit Nikoll Radaci janë larguar nga banesa e tyre pas aksidentit fatal me 2 viktima të mitur të ndodhur mesditën e djeshme në Durrës.
Sipas burimeve në terren, largimi u krye një natë më parë me ndërhyrjen e policisë, për shkak të rrezikut për hakmarrje. Ngjarja ka rritur tensionin në zonë pas humbjes së jetës së dy të miturve.
Aksidenti ndodhi në mesditën e 3 majit në zonën e ish-kënetës. Radaci, duke drejtuar një automjet tip “Mercedes-Benz ML”, goditi tre fëmijë që ndodheshin në trotuar. Përplasja rezultoi fatale për dy prej tyre, të moshave 10 dhe 12 vjeç. Një fëmijë 8-vjeçar mbeti i plagosur rëndë dhe u transportua në spital.
Verifikimet treguan se drejtuesi i mjetit ishte në gjendje të dehur në momentin e aksidentit. Ai u largua nga vendi i ngjarjes, por u arrestua më pas nga policia. Të dhënat tregojnë se më herët ishte ndëshkuar për shkelje të qarkullimit rrugor, përfshirë tejkalim shpejtësie dhe parakalime të gabuara, si dhe i ishte pezulluar leja e drejtimit për një muaj.
Ndaj tij janë ngritur akuza për shkelje të rregullave të qarkullimit rrugor me pasojë vdekjen e dy personave, drejtim mjeti në gjendje të dehur dhe largim nga vendi i aksidentit.
Lini një Përgjigje