FLASH
Shkruar nga Pamfleti
Federik Veseli i është gëzuar një fitoreje të rëndësishme të skuadrës së Sudtirol, e cila mposhti me shifrat 2-1 Sampdorian duke marrë tre pikë që e ndihmojnë në luftën për mbijetesë në Serinë B.
“Kjo fitore ishte thelbësore, e kërkuam me të gjithë forcën tonë dhe kemi punuar shumë për ta arritur”, tha mbrojtësi i Kombëtares shqiptare pas kësaj sfide.
“E ndjemë tensionin në fushë, ashtu si të tjerët jashtë. Edhe ne u kthyem në dhomat e zhveshjes mjaft nervozë, por trajneri na kërkoi të ruanim qetësinë dhe përsëritëm të njëjtat koncepte mes nesh. Duhej të qendronim të kthjellët, të përqendroheshim te loja jonë pa u ndikuar nga faktorë të jashtëm, duke ndjekur me vëmendje udhëzimet për të interpretuar sa më mirë ndeshjen”, tha Veseli pas këtij suksesi, i cili ka larguar përkohësisht Sudtirol nga zona e rënies direkte në Serinë C.
Lini një Përgjigje