FLASH
Shkruar nga Pamfleti
Mediat ndërkombëtare kanë raportuar për një ngjarje të rëndë që ka ndodhur gjatë ditës së sotme në një nga resortet turistike të ishullit Hvar në Kroaci. Legjenda e futbollit botëror, ish-portieri, Edvin Van Der Sar, ka përfunduar i shtruar në spital për shkak të një hemorragjie cerebrale.
Klubi i Ajaksit, ku ai kishte punuar se fundmi si drejtor sportiv, konfirmoi lajmin, i cili ishte përhapur fillimisht nga mediat kroate dhe ato holandeze.
“Të premten, Edvin van der Sar ka pasur një gjakderdhje në tru. Aktualisht ndodhet në spital në repartin e terapisë intensive dhe është në gjendje stabël. Pasi të ketë informacion më konkret, do të vijojë një përditësim. Të gjithë te Ajaksi i urojnë Edvin shërim të shpejtë. Ne po mendojmë për ju ♥️”, shkruhej në njoftimin e klubit të Ajaksit.
View this post on Instagram
Mësohet se Van Der Sar gjendet aktualisht i shtruar në spitalin e Splitit, ku është dërguar me urgjencë me helikopter, pasi ka pësuar një hemorragji cerebrale, teksa gjendej në një nga restorantet më të famshme të ishullit.
Nuk dihen ende shkaqet e kësaj situate të rëndë, por mediat kroate kanë mësuar nga spitali ku është i shtruar ish-portieri i Ajaksit, Juventusit, Mançester Junajtid dhe përfaqësueses së Holandës, se gjendja tashmë është e stabilizuar dhe ai gjendet në repartin e terapisë intensive, ku është nën kontrollin e mjekëve.
Lini një Përgjigje