FLASH
Shkruar nga Pamfleti
Ukrainë-Shqipëri do të jetë edhe sfida e parë e grupit 1, të Ligës për Ligës së Kombeve, e cila do të luhet në Pragë, të shtunën në mbrëmje. Liga e Kombeve tashmë është një kompeticion, që mund të shërbejë si dritare për të shkuar pse jo edhe në Kupën e Botës 2026, në rast se diçka e tillë nuk ndodh nëpërmjet fushatës kualifikuese që nis vitin e ardhshëm.
Por sa shanse ka që kombëtarja jonë ta nis me një sukses Ligën e Kombeve ndaj Ukrainës? Patjetër që shanset janë të shumta, sidomos nëse kujton performancën e kuqezinjve tanë gjatë "EURO 2024", por edhe në kualifikueset e Evropianit, por nëse u rikthehemi precedentëve të mëparshëm ndaj Ukrainës, për ekipin tonë përfaqësues fitorja ka qenë një “tabu”.
6 janë ndeshjet e zhvilluara mes dy skuadrave. 4 sfida të vlefshme për kualifikueset e Kupave të Botës dhe dy takime miqësore. Shqipëria do të luajë në Pragë këtë të shtunë për të gjetur fitoren e parë ndaj ukrainasve, teksa regjistron plot 5 humbje dhe vetëm një barazim 2-2, në vitin 2005, në fushatën kualifikuese për Botërorin e Gjermanisë 2006.
Sfida e fundit e zhvilluar mes dy kombëtareve, ka qenë miqësorja e vitit 2018, ku Ukraina fitoi thellë ndaj kuqezinjve tanë me rezultatin 4-1.
13 gola kanë shënuar ukrainasit në portën tonë, ndërkohë kuqezinjtë ia kanë dalë të gjejnë rrugën e rrjetës vetëm 4 herë. Kjo tregon se për “djemtë” e Silvinjos Ukraina është “macja e zezë”, ndaj le të shpresojmë se historia do të ndryshojë, duke nisur nga dueli i Pragës.
Lini një Përgjigje