FLASH
Shkruar nga Pamfleti
Teksa na ndajnë vetëm nëntë ditë nga përballja e shumëpritur Poloni-Shqipëri, e vlefshme për fazën “Play-Off” të Kupës së Botës, Federata Shqiptare e Futbollit ka rikthyer në vëmendje një nga fitoret më të rëndësishme të viteve të fundit.
Përmes një publikimi në rrjetin social “Instagram”, FSHF ka shpërndarë dy golat e shënuar ndaj Polonisë më 10 shtator 2023, në stadiumin “Air Albania”, në kuadër të kualifikueseve të “EURO 2024”. Videoja është e ndarë në dy pjesë: në krye paraqitet supergoli i Jasir Asanit, ndërsa në pjesën e poshtme finalizimi i Mirlind Dakut.
Asani spikat me goditjen e tij karakteristike me të majtën, ndërsa Daku realizon pas një kontrolli të mirë të topit në zonë, duke u kthyer shpejt dhe finalizuar saktë në portën kundërshtare. Ndeshja e asaj kohe u mbyll me rezultatin 2-0 në favor të kuqezinjve.
Vetë Jasir Asani ka shpërndarë postimin në “story”, duke rikujtuar suksesin ndaj polakëve, në prag të një tjetër përballjeje të rëndësishme mes dy ekipeve.
Ndërkohë, sa i përket Kombëtares, lista e lojtarëve të grumbulluar për këtë sfidë pritet të publikohet më 21 mars, duke sqaruar edhe dilemat mbi emrat që do të jenë pjesë e ekipit.
View this post on Instagram
Lini një Përgjigje