FLASH
Shkruar nga Pamfleti 
Empoli mori një kualifikim historik mbrëmë kundër Juventusit. Skuadra e Ardian Ismajlit ia doli të eliminojë “Zonjën e Vjetër” përmes penalltive, dhe tashmë do të luajë për herë të parë në gjysmëfinalen e Kupës.
Presidenti i Empolit, Fabricio Korsi, në intervistë për “Tuttomercatoweb” përmend dhe Ismajlin për ndikimin që pati.
“Jemi mbi re, le të marrim më të mirën dhe të gjejmë besimin për mbylljen e këtij sezoni të vështirë. Kemi rikuperuar dy lojtarë të rëndësishëm si Ismajli dhe Marianuçi. Dhe kjo solli të mirat e veta pas një periudhe të vështirë. Tani problemi është të ruajmë mentalitetin dhe të harrojmë mbrëmjen e djeshme”, u shpreh presidenti i Empolit ndër të tjera.
Kujtojmë se Ismajli luajti vetëm në pjesën e parë. Mbrojtësi i Kombëtares do të marrë minuta gradualisht për të mos rrezikuar.
Lini një Përgjigje