FLASH
Shkruar nga Pamfleti
Në ndeshjen që u luajt në “Arenën Kombëtare”, Tirana u përball me Teutën, ku bardheblutë u mposhtën me rezultatin 0-1.
Në minutën e 68, kryeqytetasit patën shansin e artë për të kaluar në avantazh, por Zharmuni gaboi nga pika e bardhë e penalltisë, goditja e tij u ndal nga portieri i Teutës, Tafas, i cili ishte po ai që shkaktoi 11-metërshin duke penguar sulmuesin e bardhebluve.
Tiranën e “ndëshkoi” ligji i pashkruar i futbollit: po nuk shënove, do të pësosh. Teuta gjeti golin në minutën e 80 me Mario Beshiraj, i cili nuk festoi në shenjë respekti duke qenë se ka veshur më parë fanelën e bardhebluve.
Me këtë triumf Teuta shpëton nga rënia dhe sezonin e ardhshëm do të jetë në Superiore, ndërsa fati i bardhebluve do të vendoset të dielën e ardhshme.
Pas humbjes tifozët ‘Fanatics’ të Tiranës u revoltuan dhe kërkuan një takim me lojtarët, duke tentuar të futeshin në dhomat e zhveshjes.
“Panorama Sport” raporton se tifozët bardheblu bllokuan hyrjen e stadiumit.
Ndërhyrja e policisë dhe infrastruktura e stadiumit bënë që tifozët të mbaheshin nën kontroll jashtë impiantit.
Lini një Përgjigje