FLASH
Shkruar nga Pamfleti
Tifozëve të Beshiktashit u është ndaluar të udhëtojnë drejt Lionit për të parë ndeshjen e Ligës së Europës mes këtyre dy skuadrave.
Megjithatë, disa tifozë të ekipit turk janë parë në rrugët e qytetit francez, duke shfaqur pankarta provokuese që nxisin dhunë.
"Tufë bastardësh... Nuk jeni lodhur duke u rrahur? Ne po vijmë,"- lexohet në një pankartë të shkruar në frëngjisht, e cila, sipas “RMC Sport”, është shkruar nga një grup ultrasish nga Beshiktashi, e cila më vonë është shpërndarë në mediat sociale.
Tifozët turq madje ia dolën të vizatonin një burrë me ngjyrat e fanelës Beshiktashit, duke goditur një tifoz me ngjyrat e Lionit.
Gjithashtu sipas radios franceze, disa tifozë të Beshiktashit do të jenë në stadiumin e Lionit, duke përfituar nga blerja e biletave nga komuniteti turk që banon në atë qytet.
Kujtojmë se, në prill të vitit 2017, dueli mes dy skuadrave në ndeshjen e parë çerekfinale të Ligës së Europës u shoqërua me përplasje të dhunshme në tribuna.
Lini një Përgjigje