FLASH
Shkruar nga Pamfleti
Teuta e Edi Martinit është rikthyer te fitorja duke mundur me rezultatin 0-1 Egnatian kryesuese në Rrogozhinë, në sfidën e vlefshme për javën e shtatë të Superiores.
Një ndeshje intensive, e cila dukej që në pjesën e parë ku katër kartona të verdhë u nxorrën nga gjyqtari kryesor i ndeshjes.
Pjesa e dytë ishte më kërkuese në aspektin e golit, me durrsakët të cilët e gjetën rrugën e rrjetës në minutën e 61 me anë të Filit.
Tentativat nga rrogozhinasit ishin për të barazuar sfidën, por nuk e arritën deri në fërshëllimën e fundit të gjyqtarit.
Egnatia vazhdon të mbetet në krye të tabelës me 13 pikë, tre më shumë se Tirana e vendit të dytë. Ndërsa Teuta është shkëputur me një pikë nga zona e kuqe, duke u pozicionuar në vendin e shtatë me 8 pikë.
Lini një Përgjigje