FLASH
Shkruar nga Pamfleti
Interi rikthehet te suksesi në kampionat pas dështimit ndaj Sasuolos, duke mundur 0-4 Salernitanën në transfertë. Rezultati nuk tregon pothuajse gjithçka për lojën, pasi nënkampionët e Europës vuajtën jo pak.
Një mbrëmje e jashtëzakonshëm për Lautaro Martinez. Argjentinasi e nisi ndeshjen nga stoli dhe pasi u aktivizua në minutën e 54 nga trajneri Inzagi ishte i papërmbajtshëm.
Kampioni i botës realizoi një poker personal golash duke i dhuruar fitoren zikaltërve në një transfertë që dukej e vështirë para se ai të zbriste në fushë.
Lautaro është bërë lojtari i parë i aftë të realizojë katër gola i aktivizuar nga stoli në Serinë A në epokën e tri pikëve për fitore (që nga sezoni 1994-1995).
Pati minuta edhe për yllin kuqezi Asllanin, i cili ashtu si Lautaro dhe Mkitarjan u aktivizuan në minutën e 54.
Me katër golat e shënuar sot, argjentinasi kryeson renditjen e golashënuesve të Serisë A me 9 realizime, katër më shumë se ndjekësi i tij më i afërt Osimhen.
Lini një Përgjigje