FLASH
Shkruar nga Pamfleti
Mbrojtësi i ri shqiptar Adi Kurti, pjesë e skuadrës së moshave të Veronës, është përfshirë në listën e grumbullimit për ndeshjen ndaj Interit, e cila zhvillohet nesër në kampionatin italian të Serisë A. Vendimi i stafit teknik lë mundësinë që 19-vjeçari të ketë minuta në fushë, çka do të përbënte edhe debutimin e tij në elitën e futbollit italian.
Kurti është pjesë e Kombëtares Shpresa dhe prej disa sezonesh zhvillon karrierën e tij jashtë vendit. Ai vlerësohet si një lojtar me perspektivë, dhe aktivizimi i mundshëm ndaj një kundërshtari të nivelit të lartë si Interi do të ishte një hap i rëndësishëm në rrugën e tij sportive.
Për momentin, mbetet të shihet nëse trajneri do t’i japë minuta nga pankina, por grumbullimi sinjalizon se mbrojtësi shqiptar po afron gjithnjë e më shumë me skuadrën e parë të Veronës.
Lini një Përgjigje