FLASH
Shkruar nga Pamfleti
Kanë përfunduar 4 nga ndeshjet e sotme kualifikuese për Kupën e Botës 2026, për zonën e Europës. Në grupin E, Spanja ka fituar në transfertë 0-4 ndaj Gjeorgjisë, në sfidën e luajtur në “Dinamo Arena” në Tbilisi.
Spanja kaloi e para në avantazh që në minutën e 10, me Mikel Ojarzabal nga pika e bardhë e penalltisë, pas një prekje të topit me dorë brenda zonës.
Në minutën e 21, Martin Zubimendi dyfishoi shifrat, pas një asisti të bukur të marrë nga Fabian Ruiz. Ferran Torres shënoi golin e tretë në minutën e 35, pas një kombinimi të bukur mes Ruiz dhe Ojarzabal, ndërkohë që sulmuesi i Barcelonës e pati të lehtë të shtynte topin në rrjetë.
Në pjesën e dytë, Torres i ktheu “nderin” me asist Ojarzabal, ky i fundit shënoi golin e katërt për Spanjën dhe të dytin personal. Në ndeshjen tjetër të këtij grupi, Turqia fitoi në Bursa 2-0 ndaj Bullgarisë, falë golit të Çalhanoglu nga penalltia në pjesën e parë dhe një autogoli në pjesën e dytë.
Distanca mes tyre të mbetet 3 pikë para ndeshjes së fundit që është përballja direkte. Por për shkak të golavarazhit dukshëm më të mirë të Spanjës, përsëritet situata e ndeshjes Itali-Norvegji, pasi vetëm një goleadë e pabesueshme e Turqisë në atë ndeshje mund t’i heqë vendin e parë Spanjës.
Situata në grupin E:
1. Spanja 15 pikë
2. Turqia 12 pikë
3. Gjeorgjia 3 pikë
4. Bullgaria 0 pikë
Në grupin H, Austria fitoi 0-2 në Limasol në transfertën ndaj Qipros. Arnautoviç shënoi dy herë për asutriakët në secilën pjesë, një nga penalltia. Austria kryeson grupin me 18 pikë.
Në grupin J, Uellsi fitoi me rezultatin e ngushtë 0-1 në transfertë ndaj Lihtenshtejnit, falë golit të Xhordan Xhejms në pjesën e dytë. Renditja në grupin J, ku dy vendet e para do të përcaktohen në ndeshjet e fundit:
1. Belgjika 15 pikë
2. Maqedonia e Veriut 13 pikë
3. Uellsi 13 pikë
4. Kazakistani 8 pikë
5.Lihtenshtejni 0 pikë
Lini një Përgjigje