FLASH
Shkruar nga Pamfleti
Trajneri i Ukrainës, Sergei Rebrov, është shfaqur sot para mediave në stadiumin “Air Albania” për të komentuar gjendjen e ekipit të tij para sfidës ndaj Shqipërisë. Rebrov mendon se ka një ekip me të ardhme, por të cilit i duhet stabilitet.
“Ne kemi një ekip shumë të ri. Në Europian kishim ekipin më të ri, tani edhe më të ri se më parë. Lojtarët e rinj, edhe nëse janë liderë, nuk janë stabël. E rëndësishme për lojtarin që do të jetë një lider, është të tregojë lojë stabël në klub dhe ekipin kombëtar. Mendoj se për momentin kemi ekip të mirë, miks të mirë, balancë me të rinj dhe me eksperiencë. Ky ekip ka të ardhme.
Por unë u them gjithmonë lojtarëve që futbolli është për sot, se sido ke luajtur dje apo luajtur në klub, duhet të vish në fushë dhe tregosh maksimumin në ekipin kombëtar. Ne këtë nivel, luajmë me më të mirët e çdo vendi. Nesër luajmë ndaj Shqipërisë, 99% e lojtarëve të saj luajnë në Europë, shumica e tyre në ligat më të mëdha”, tha ndër të tjera Rebrov para mediave.
Lini një Përgjigje