FLASH
Shkruar nga Pamfleti
Shkodran Mustafi mund të rikthehet në Serinë A. Mbrojtësin me origjinë shqiptare, i cili fitoi Kupën e Botës me Gjermaninë në vitin 2014, e kërkon Salernitana.
Skuadra e Pipo Inzagit renditet në vendin e fundit dhe po garon për të qendruar mes më të mirëve të futbollit italian.
31-vjeçari qendron pa skuadër prej verës së kaluar, kur i dha fund aventurës spanjolle me Levanten.
Drejtuesit e klubit nga Salerno, që pak ditë më parë firmosën me Zherome Boateng, pritet të zyrtarizojnë edhe Mustafin.
Futbollisti shqiptar më parë në Itali ka luajtur me skuadrën e Sampdorias. Qendërmbrojtësin shqiptar e pret një kontratë deri në fundin e sezonit.
Me opsionin e zgjatjes së bashkëpunimit deri në verën e vitit 2025 nëse performon mirë dhe Salernitana arrin objektivin mbijetesë.
Lini një Përgjigje